నమస్కారం
నమస్కారమనేది భారతీయుల సంస్కారం
పూర్వకాలాలనుండి వస్తున్న ఒక ఆచారం
అది ఒక సాంప్ర దాయం
షేక్ హాండ్ మన సంస్కృతి కాదు
కులాలు వేరైనా , మతాలు వేరైనా
భాషలు వేరైనా , భావనలు ఒక్కటే
వందనం ,దండం , నమస్కారం
ఆదాబరుసే , వనక్కం , గుడ్ మార్నింగ్
ఎవరి భాష వారిదే
ఎవరి సాంప్రదాయం వారిదే
ప్రకృతిలో ఎన్నో వింతలు విడ్డూరాలు
పంచ భూతాలు, అష్టదిక్కులు,నవగ్రహాలు
దేని ప్రాధాన్యత దానిదే , దేని విలువ దానిదే
వాటి విలువ, ప్రాధాన్యత బట్టి వాటికి పూజలు చేస్తారు
నమస్కారాలు(దండాలు) పెడుతారు
ఉదయించే భానుడికి నమస్కరిస్తాం
అస్తమించే రవిని చూసి ఆనందిస్తాం
సూర్యుడు ఒకడే, కేవలం మారింది కాలం
ఉదయించే భానుడు, వెలుగునిస్తాడు
అస్తమించే రవి , చీకటిని నింపుతాడు
గుడిలోని దేవుడికి , నమస్కరిస్తాం
గుడిలోకి వస్తూ, గుడి నుండి దిగుతూ
గుడి మెట్లను తొక్కుతాం
గుడిలో దేవుడు , గుడి ముందు మెట్లు
రెండూ రాళ్ళే
గుడిలోని రాయిని రూపం మారడం వలన
మొక్కుతాం
గుడి ముందు రాళ్ళను ,రూపంలేదు కాబట్టి తొక్కుతాం
జన్మనిచ్చిన తల్లి దండ్రికి, విద్య నేర్పిన గురువుకు , ఆపదలో ఆదుకున్ళ సాటిమనిషికి నమస్కరిస్తాం
సాటి మనీషి గౌరవానికి యిచ్చే హృదయ స్పందనే నమస్కారం
మనిషికి వినయం, భూషణం
వినయానికి ప్రతి స్పందనే, నమస్కారం
నమస్కారానికి , ప్రతి నమస్కారం పెట్టడం మన భారతీయులకు ఉండ వలసిన సంస్కారం.
- మార్గం కృష్ణ మూర్తి,
హైదరాబాద్.