వేకువ వెలుగై బయటికి రా!!
----------------------------------
నైరాశ్యపు అమావాస్యను చీల్చి
నిండు పౌర్ణమి చందురుడువై ఉదయించు
మానసిక ఒత్తిడి బురద గుంటల్లోంచి
పంకజమై పరిమళించు
మోడుబారిన ఆశల మొ(పొ)దల్లోంచి
లేలేత చిగుళ్లవై చిగురించు
జీవితాకాశంలో మనోధైర్యం
రవికిరణమై ప్రకాశించు
మిత్రమా ! ఎందాక
కన్నీటి కొమ్మపై ఒంటరి పాక్షివై
విలపిస్తావ్!
రా! బయటికి రా!!
అలముకొన్న ఆవేదనల మేఘాల్లోంచి
వేకువ వెలుగై నలుదిక్కులా
గుండెపై కొండంత బాధల
బరువును దించుకొని
దూది పింజమై, కాంతి పుంజమై
రా! వెలుపలికి రా! సింగమై
--గద్వాల సోమన్న ,గణితోపాధ్యాయుడు,
ఎమ్మిగనూరు.