మనిషి జన్మ(కైతికాలు) --బెజ్జారపు కళ్యాణాచార్యులు

*తానైనా సరే చూడు*

*తనవారైనా చూడు*

*ఎవరికి వారె తోడు*

*ఇంకెవరు రారు జోడు*

*అయ్యయ్యో మనిషి జన్మ*

*మార్గం తెలియకనే ముగుస్తుంది*

*కాలము కరగుతుంది*

*యవ్వనం జరుగుతుంది*

*వయసు పెరుగుతుంది*

*మనసు తరుగుతుంది*

*అయ్యయ్యో మనిషి జన్మ*

*మార్గం తెలయకనే ముగుస్తుంది*

*ఉడుకు ఉడుకుది వండేను*

*తడికేసుకుని తినేను*

*పడకేసుకుని పండేను*

*వృధాగ అలా గడిపేను*

*అయ్యయ్యో మనిషి జన్మ*

*మార్గం తెలియకనే ముగుస్తుంది*

*వైరాగ్యపు వేధన*

*వియోగపు రోధన*

*విచారపు శోధన*

*వినిపించని ఖేధన*

*అయ్యో మానవ జనమ*

*మత్తులోనే ముగుస్తుంది కదా*

*ఎంతగా చెప్పిన వినడు*

*తనకు తానుగా కనడు*

*దండి పట్టుగాడు వీడు*

*మొండి బెట్టుగాడు చూడు*

*అయ్యయ్యో ఈ జన్మము*

*ఉత్తిగానే  గడిచిపోతుంది కదా*

*నకరాలుగుడ నేర్చిండు*

*బకరాలను జేత్తుండు*

*చక్రములు తిప్పుతుండు*

*వక్రముగ  నడుస్తుండు*

*అయ్యో మానవ జనమ*

*మత్తులోనే ముగుస్తుంది కదా*

*ప్రేమలో పొంగేరు*

*మోహములో కుంగేరు*

*సంఘములో వంగేరు*

*బతుకంతా కృంగేరు*

*అయ్యయ్యో మనిషి జన్మ*

*మార్గం తెలియకనే ముగుస్తుంది*

*ధర్మ మార్గము తెలియదు*

*కర్మ ఫలము సరిజేయరు*

*వర్మము చేబట్టరాదు*

*మర్మమెరిగి నడువరు*

*అయ్యయ్యో మనిషి జన్మ*

*మార్గం తెలియకనే ముగుస్తుంది*

*మనిషి జన్మ మళ్ల లేదు*

*తరిగి పోతె తిరిగి రాదు*

*చిరిగేది తనకు తెలియదు* 

*ఒరిగేది కూడా తెలియదు*

*అయ్యయ్యో ఈ జన్మము*

*ఉత్తిగానే  గడిచిపోతుంది*

*అంతా తనకు తెలుసే*

*అనుకుంటాడు మనిషి*

*తలచిందంతా ఊసే*

*తదనంతరం  మనిషి*

*అయ్యయ్యో ఈ జన్మము*

*ఉత్తిగానే  గడిచిపోతుంది కదా*

_________________________________

కవిమిత్ర పురస్కార

*బెజ్జారపు కళ్యాణాచార్యులు. కోరుట్ల*