మణిపూసల దీపావళి
---------&&&&------------
దివ్యమైన దీపావళి
అందమైన శోభావళి
వస్తున్నది మస్తున్నది
తెలుగు వెలుగు రూపవళి !
తెలుగుదనం పట్టుకొని
కాలాన్ని నెట్టుకొని
వస్తున్నది దీపావళి
శుభం బొట్టు పెట్టుకొని !
ప్రమిదల వెలుగులతో
ప్రభల వెలుగులతో
మెరిసిపోవు దీపావళి
జనులందరి నవ్వులతో
తను టపాసులు కాలుస్తూ
చిచ్చుబుడ్లను వెలిగిస్తూ
చిందేస్తూ వస్తున్నది
కానుకల మోసుకొస్తూ !
మన దీపావళి వచ్చే
మది ఎంతో ఇక మెచ్చే
ఆహ్వానం పలుకుదాం
కలిమిని ఇక అందిచ్చే. !
వరుస దీపాల పెట్టింది
తోరణాలనూ కట్టింది
దీపావళి వచ్చి మనకు
శ్రీ కారాన్ని చుట్టింది !
చుక్కలను పెట్టుకుంటు
ముగ్గులను వేసుకుంటు
ముత్తైదువలా వస్తుంది
దీప కన్య తానంటు. !
అదృష్ట లక్ష్మీలా తను
మన తెలుగు లోగిలి లోన
నివసించుటకై వస్తుంది
ముప్పొద్దుల ముదముతోను !
ఆనందాల హరివిల్లై
మురిసేటీ వెన్నెల జల్లై
వచ్చెను మన దీపావళి
మన సిరి సంపదల ముల్లై. !
దీపావళి పండుగకు
సుస్వాగతం పలుకుటకు
కలిసి మెలిసి పోదాము
మన పేరును నిలుపుటకు !
గుర్రాల లక్ష్మారెడ్డి, కల్వకుర్తి.
సెల్.9491387977.
నాగర్ కర్నూల్ జిల్లా.