రక్షా బంధము
ఈ బంధ ముడిలోన ఇబ్బందులుంటాయ?
ఫుల్లాబ్జ పరిమళపు పుప్పొడుల వీచులే
ఈ బంధ ముడిలోన ఈశ్వరేచ్ఛయే గాక
సోదరీసోదరుల సుఖ కాంక్షయే గలదు
ఈ బంధ ముడిలోన ఇహ జన్మయే కాదు
ఏడేడు జన్మాల ఎలమి బంధము కలదు
ఈ బంధ ముడిలోన ఇడుములను కడదేర్చు
బలమైన బాధ్యత్వ మాహత్మ్యమే కలదు
ఈ బంధ ముడిలోన ఇరువైపులను నిలిచి
ఆపదల తొలగించు అభయ హస్తము కలదు
ఈ బంధ ముడిలోన ఈశ్వరుడె యన్నయ్య
ఈప్సితములీడేర్చు ఇలలోని కన్నయ్య
ఈ బంధ ముడిలోన ఇభరాజ బలముంది
ఇరవైన ఫలముంది ఇగకొండ ఎత్తుంది
ఈ బంధ ముడిలోన ఎనలేని భావములు
ఈ బంధ ముడిలోన ఇక్షురస మూలికలు
డాక్టర్ అడిగొప్పుల సదయ్య
జమ్మికుంట, కరీంనగర్
9963991125