🌸ప్రవాహిని సాహిత్య వేదిక🌸
అంశం __ మాతృ భాష _ పునరుద్ధరణ
శీర్షిక ___
మాతృభాష మకరందం
భావితరాలకు అందిద్ధాం
అమ్మ జోల పాట
కమ్మనైన లాలి పాట
మాతృమూర్తి ఒడిలో
ఓనమాలు దిద్ది
మొదటగా నేర్చే భాష
మన తెలుగు భాష
భరతమాత మోమున
మెరిసిన తిలకంలా
తేనె మధురిమ సారంలా
కోకిల గాన స్వరంలా
వేణు నాద వినోదములా
పురివిప్పి నాట్యమాడే
అందాల మయూరంలా
మధురమైన భాష
మన మాతృభాష
తెలుగును చులకన చేసి
ఆంగ్లం పై మక్కువ చూపి
ఆంగ్ల భాష ప్రాధాన్యతను పెంచి
తెలుగుభాష ఉనికి
దూరమయ్యే ఈ తరుణంలో
పరవళ్ళు తొక్కే గోదావరిలా
ఉరకలు వేసే తరంగిణిలా
ఎన్నో నుడికారాలతో
మరెన్నో అలంకారాలతో
శోభాయమానంగా వెలుగొందే
తెలుగుకు స్వస్తి చెప్పి
ఇతర భాషలకు ప్రాధాన్యమిచ్చి
తెలుగు వారమై తెలుగులో
భాషించుటకు సిగ్గుపడీ
అన్యభాషల పై ఆత్రుతతో
మాతృభాషను మరచి
ఎటు పోతున్నామో తెలియక
తూర్పు వెళ్ళే రైలులా
చుక్కాని లేని నావలా
ప్రయాణం సాగుతుంటే
నేను సైతం
వెలుగు చుక్కనై
మాతృభాష అభివృద్ధికై
ప్రజల్లో చైతన్యం నింపి
సర్వదా పాటుపడతా
ప్రపంచ భాష లందు తెలుగు లెస్స
అని చాటి చెబుతా
మాతృభాష మకరందం
భావితరాలకు ఆనందం
అనే స్ఫూర్తిని నింపి
తెలుగు భాష రుచి చవి చూపి
మాతృ భాష ఋణం
కొంతైనా తీర్చుకోడానికి
అహరహము కృషి చేస్తాను.
మాతృ భాషా దినోత్సవ శుభాకాంక్షలు
🌺🌺🌺🌺🌺🌺🌺🌺🌺🌺
హామీ పత్రం
ఈ కవిత నా స్వీయ రచన అనుకరణ కాదు.
విస్సాప్రగడ పద్మావతి
హైదరాబాద్