ప్రక్రియ: సున్నితం రూపకర్త: శ్రీమతి నెల్లుట్ల సునీత గారు --చంద్రకళ దీకొండ

ప్రక్రియ:సున్నితం

రూపకర్త:శ్రీమతి నెల్లుట్ల సునీత గారు

౧

ఛందస్సుల సంకెళ్లు తెంచినాడు

వ్యావహారికభాషను వాడుకలోకి తెచ్చినాడు

సవరభాషకు లిపి సమకూర్చినాడు

చూడచక్కని తెలుగు సున్నితంబు...!

౨

నండూరివారి ఎంకి పాట

చిలకమర్తివారి హాస్యపు మాట

గిడుగువారి వ్యావహారిక బాట

చూడచక్కని తెలుగు సున్నితంబు...!

౩

అమ్మపాలలా కమ్మనైన భాష

పొరుగురాజులు మెచ్చిన మెరుగుభాష

ఆశుకవిత్వాల అవధానాల మేటిభాష

చూడచక్కని తెలుగు సున్నితంబు...!

౪

శతకాలతో మకుటాయమానమైన భాష

విదుషీమణులు వన్నెలద్దిన భాష

కవనామృతాలు చిలకరించిన భాష

చూడచక్కని తెలుగు సున్నితంబు...!

౫

పరాయిభాషను అవసరమైనమేరకే వాడుకొందాం

మన మాతృభాషలో మాట్లాడుకొందాం

మన  ఉనికిని కాపాడుకొందాం

చూడచక్కని తెలుగు సున్నితంబు...!

****************************************

చంద్రకళ. దీకొండ,

మేడ్చల్-మల్కాజిగిరి

చరవాణి:9381361384