అంతర్జాతీయ యువజన దినోత్సవం సందర్భంగా రాసిన కవిత ---పురుషోత్తం సతీష్, కరీంనగర్.

లేవండి యువతరమా..

-----------------------------

లేవండి యువతర మా  జనాతన సారదులై

జాగరులై లేవండి

ఆవేదన చిదిమేయ అలుపన్నది ఆదమరిచి

జాగరులై లేవండి

అడుగులో అడుగు లేస్తూ జడివానల నెదిరిస్తు

ఉరుకుల పరుగుల నెత్తురు ఉప్పెన లా పారిస్తు

దోపిడి అంతం చేయ దండుకట్టి కథనానికి కదలండి.  .//లేవండి//

నిరుపేదల నిర్జువుల స్వేదాలను తడుముకుంటూ

బడుగుల బ్రతుకుల్లోన వెలుగులై విరజిమ్ముతు

విశ్వానికి దశ దిశ లా విప్లవాల దీరుల వలె శూరుల వలె.    // లేవండి//

యువతరమే  నవతరమై విశ్వమంత చాటిస్తు

సమసమాజ  సారదులై  నవశఖాన వారదులై

ప్రపంచ భవితకు యువతే ప్రభంజనం మ్రొగిస్తూ....//లేవండి//

 నవ్వుల జీవులు కొందరు శోఖపు బ్రతులు ఎందరో

దోపిడి దారులు కొందరు  శ్రమైక వారలు ఎందరో

అసమానత  సమాజాన   సమానత్వ సారథులై   //లేవండి//

మన పడతుల కన్నీరు ప్రవాహమై పారుతుంటే

అన్నదాత ఆక్రందన ఆకాశాన్నంటు తుంటే

నిరుద్యోగ వ్యథల గతులు కథలై అల్లుకుపోతే

//లేవండి//

జనొద్దరణ పేరుతో  ధనార్జనే స్వార్దం తో

రాజ్యమేలే రాబందుల అవినీతిల గుట్టు విప్పా

ఉద్యమ కెరటాలై లేవండి యువతర మై     మెరవండి// లేవండి//

అణచివేత , అంధకార  ఆదిలోనే త్రుంచివేయ

ఘడీల పాలన పైన  గునపాలై చీల్చుకుంటూ

సంకెళ్లను తెగ నరికే  గొడ్డండ్లై  లేవండి.//లేవండి//

గత కాలపు  పీడన పై   పోరాడిన యువతర మే

నవకాలపు చెక్కిలి పై చిరునవ్వులు చెక్కాలి

ప్రపంచ పరిణామాలకు కారణ మనమవ్వలి.

// లేవండి//.

 రచన ::  పురుషోత్తం సతీష్

              తెలంగాణ సాహితీ రాష్ట్ర కమిటీ సభ్యులు

               కరీంనగర్