శీర్షిక: "గురువులు-విజ్ఞానతరువులు", రచన: రఘుపాత్రుని సాయిశివ

సీసముII

అజ్ఞాన ధ్వాంతాలు వ్యాపించనీయక

-----విజ్ఞాన భానుడై వెలుగునితడు

సర్వోన్నతంబైన చదువను నెరువును

-----నక్షరాలైపంచు హాలికుండు

సన్మార్గ భవితకు చక్కని బాటను

-----తండ్రి వలెను జూపు దార్శనికుఁడు

బ్రహ్మ, విష్ణు, శివరూపముగను ధరణిలో!

-----కీర్తి బడసినట్టి మూర్తియితఁడు

తేటగీతిII

ధర్మ సత్యములనుదెల్పు ధర్మమూర్తి

మంచి నడతనేర్పించెడి మహినిరేడు

నుత్తమంబైన స్థితినిచ్చు నొజ్జరూప

పద్య ప్రణతులన్! గైకొను పరమపూజ్య.

-------------------------------------------------------------------

రచన: రఘుపాత్రుని సాయిశివ,

బి.ఏ (తెలుగుసాహిత్యము) ద్వితీయ సంవత్సరము,

పలాస మండలం, శ్రీకాకుళంజిల్లా, బ్రాహ్మణతర్లా గ్రామం.