ఆయువు తీయకు. .... దొడ్డపనేని శ్రీ విద్య

అంతరంగం ప్రశ్నిస్తే

శీర్షిక: ఆయువు తీయకు

*అంతరంగం ప్రశ్నిస్తే*

ఆయువు తీసుకుంటావా

గొంతెత్తి సమస్య విన్నవిస్తావా

జీవిత మార్పును స్వాగతిస్తావా

మనకెందుకులే అనుకుంటావా

*అంతరంగం ప్రశ్నిస్తే*

వివేకంతో ఆలోచన సాగాలి

వ్యవహార శైలిలో మార్పు రావాలి

విచక్షణ తో నిర్ణయించాలి

స్వభావం లో లక్ష్య సాధన ఉండాలి

*అంత రంగం ప్రశ్నిస్తే*

అవరోధాలను తొలగించు

సమస్యల విశ్లేషణ కు ప్రయత్నించు

సత్యాసత్యాల అన్వేషించు

యదార్థ మెరిగి జీవించు

అంతరంగం ప్రశ్నిస్తే

వికసించి ఎదుగటమే జీవితం

అణిచివేసే పరిస్థితులను అంచనా వేయి

బలహీనపడే స్థితి నుంచి బయటకు రా

ఉన్నత స్థితికి చేరుకునే ప్రయత్నం చేయి

*అంతరంగం ప్రశ్నిస్తే*

అనుభవాల అనుభూతిని స్వాగతించు విజయావకాశాలను అందుకొను

మార్పుల మలుపులను అంచనా వేయి

ఆహం వీడి నిజం ఎరిగి బ్రతుకు బాటను సుసంపన్నం  చేయి

✒️📖✒️📖✒️📖✒️

 

*దొడ్డపనేని శ్రీ విద్య*

విజయవాడ