గురువులకు వందనం ! పాదాభివందనం !!
అజ్ఞానపు శిధిలావస్థలో నున్న శిలలను
అందమైన సుందర శిల్పాలుగా చెక్కే
అక్షర శిల్పులే "అమరశిల్పి జక్కన్నలే"...గురువులంటే !
సమాజంలో సమస్యల సుడిగుండంలో
చిక్కుకున్ననాడు సకాలంలో స్పందించే
అభయహస్తాలనందించే "ఆప్తమిత్రులే"...గురువులంటే !
అజ్ఞానాంధకారంలో బంధీలైననాడు
ఆపదలో ఆదుకునే "ఆపద్బాంధవులే"...గురువులంటే !
జన్మనిచ్చిన అమ్మ పాలిస్తే నాన్న లాలిస్తే
బ్రహ్మ వ్రాసిన తలరాతల్ని మార్చి అందమైన
బ్రతుకు పుస్తకాన్ని అందించే
అపర బ్రహ్మలే..."ఆకాశ దీపాలే"...గురువులంటే !
అక్షరాల తోటల్లో తిప్పే అభివృద్ధి బాటల్లో నడిపే ఆశాజ్యోతులే... "ఆదర్శమూర్తులే"...గురువులంటే !
ఉజ్వల భవిష్యత్తును ఉన్నతమైన వ్యక్తిత్వాన్ని ఉత్కృష్టమైన జీవితాన్ని ప్రసాదించే ప్రత్యక్షదైవాలే "కనని అమ్మానాన్నలే"...గురువులంటే !
అట్టి గురుదేవుళ్ళకు గుండెల్లో గుడికట్టి
కవితా కుసుమాలనర్పించి పూజిద్దాం!
పవిత్రమైన వారి పాదాలకు పాలాభిషేకం చేద్దాం !
అందరికీ ఉపాధ్యాయ దినోత్సవ శుభాకాంక్షలందజేద్దాం !
రచన. పోలయ్య కవి కూకట్లపల్లి
అత్తాపూర్ హైదరాబాద్...9110784502