వడ్ల కొనుగోలు

రైతు గోస

పంట చేలన్ని చెరవుల తలపించె

తడసిన వడ్లన్ని రోడ్ల పాలాయె

ఎప్పుడు ఎండుతాయో

ఎవడు కొంటాడో

తెల వదాయె.

పంట కుప్పలపైనే బతుకాయె.

ఇంటికి పోను దారి లేదాయె

ఒకడు రబీ అంటడు ,

మరొకడు తాబీ అంటడు,

ఇంకొకడు పంట మార్పిడి అంటడు.

కొనడమేమొ కల్లనే ఆయె 

ఉమ్మడి ఆచరణ కరువాయె ,

వ్యవసాయ రంగం

రాజకీయంలో పావాయె ,

వడ్లకుప్పలు కదలవాయె

అప్పులేమొ తడసి మోపెడాయె ,

ఆస్తులన్ని కర్పూర హారతులాయె , 

శ్రమ జీవికి

కర్మ ఫలం ఎండమావాయె

కేంద్ర రాష్ట్రాల కొట్లాట

అర్థం కాకాపాయే

ఏడుపే మిగిలిపాయే

నా పిచ్చికకపోతే

రైతు ఓట్ల రాజకీయాల్లో

జోకర్ అయే

నేను సెలవు తీసుకుంటే

అప్పుడు తెలుస్తుంది మీకు

ఆ రోజు రానియకండి

నాయకులరా

   ఉమశేషారావు వైద్య

లింగాపూర్, కామారెడ్డి