డబ్బుకు లోకం దాసోహం ---ఎన్. రాజేష్

డబ్బుకు లోకం దాసోహం

డబ్బు అంటేనే విలువ

నీ దగ్గర డబ్బు ఉంటేనే విలువ.. 

నీకు అంటూ ఏడుంది విలువ 

ఆ డబ్బు ఉంటేనే నీకు ఇస్తారు విలువ.!

నేటికాలంలో డబ్బు లేకుంటేనే జబ్బు 
ఆ డబ్బు నీ దగ్గర లేకుంటే నువ్వె ఒక  గబ్బు.!

పుట్టినప్పటి నుండి చచ్చేవరకు 

అన్నింటా డబ్బుమయం లో.. 
డబ్బు లేకుంటే జరగవు 

పుట్టుక-గిట్టుక అనేవి నేటి కాల గమనం లో.!

జానెడు పొట్ట కూటికై బ్రతుకు పోరాటంలో 

డబ్బు సంపాదనకై వేట..
అది లేకుంటే సాగదు ఈ బ్రతుకు చిత్రం లో ఏ ఆట.!

పూట గడవాలని పేదవాడు 

రోజు గడవాలని మధ్య తరగతి వాడు 

తరతరాలకోసమని ధనవంతుడు 

ఎవడైనా బ్రతికేది డబ్బు కోసమే కదా.. 

ఆ డబ్బే లేకుంటే బ్రతుకు పోరు సాగదు కదా..? 

ప్రస్తుత జీవన విధానంలో డబ్బు ఉంటేనే తృప్తి..
అది లేకుంటే ఎలా ఉంటుంది  సంతృప్తి?

డబ్బు ఉంటేనే పారుతుంది పాచిక 

అది లేకుంటే ఎలా సాగుతుంది నీ నడక-నడవడిక?

అందుకే పైసాకే పరమాత్మ అనేది నేటి తరం సూక్తి..!

డబ్బుకు లోకం దాసోహం అనేది 

ఈ తరం జీవితానికి ముక్తి..!!

.....ఎన్. రాజేష్ - హైదరాబాద్
(కవి, రచయిత, జర్నలిస్ట్)