చందమామ పిల్లలం (బాల గేయం)
--------------&&&&&&&---------------
చందమామ పిల్లలం
కుందనాల బొమ్మలం
వెన్నెలమ్మ జల్లులం
పూలకొమ్మ మల్లెలం !
పల్లె తల్లి వాడలో
చల్లనైయ్య నీడలో
పెరిగినం తిరిగినం
ఆటలాడ మరిగినం !
వేకువజామున లేస్తాం
సోకుగ స్నానం చేస్తాం
చేస్తాం మా దైవ స్మరణం
చదివేస్తాం మేం అమరం !
మేం పుట్టినట్టి పల్లె రేవళ్ళి
మా చిట్టిపొట్టి చెల్లి శ్రీవళ్ళి
మే మిద్దరం కవల పిల్లలం
ముద్దమందారం మల్లెలం !
సరస్వతి మాతకు మొక్కినం
శిశుమందిరంలో మేం చిక్కినం
అక్షరాల గుడిమెట్లను ఎక్కినం
అక్షర లక్షలు అందులో చెక్కినం !
ఉన్నత చదువులు చదివాం మహోన్నతులై ఇలలో ఎదిగాం
అందరితో కలిసే ఉంటున్నాం
ఐకమత్యం మాబలమంటున్నాం !
గుర్రాల లక్ష్మారెడ్డి, కల్వకుర్తి.
సెల్ నెం.9491387977.
నాగర్ కర్నూల్ జిల్లా.