ముత్యాల హారాలు-గద్వాల సోమన్న

ముత్యాల హారాలు

-------------------------------------

1

త్వరగా నిదుర లేచెదము

పండ్లు బాగా  తోమెదము

ముఖము మంచిగ కడిగెదము

శుచిగ స్నానము చేసెదము

2

క్రొత్త బట్టలు తొడిగెదము

భగవంతుని వేడెదము

వేళకు బడికి పోయెదము

కాలము విలువ తెలిపెదము

3

గురువు గారికి మ్రొక్కెదము

దేవునిగా తలచెదము

నిండు మదితో కొలుచెదము

చెప్పిన రీతి నడిచెదము

4

నమస్కారము చేసెదము

సంస్కారము చూపెదము

నీతి విలువలు నేర్చెదము

దేశభక్తిని నేర్పెదము

5

ఆటలెన్నో ఆడెదము

పాటలెన్నో పాడెదము

కలసిమెలసి బ్రతికెదము

చెలిమి కలిమి పెంచెదము

6

అల్లరిపనులు వీడెదము

అందరి మేలు కోరెదము

ఐకమత్యము చాటెదము

అనురాగము పంచెదము

7

ఉన్నత విద్య చదివెదము

ఉన్నతంగా ఎదిగెదము

కన్నవారిని చూచెదము

అక్కరలన్ని తీర్చెదము

8

దేశకీర్తిని నిలిపెదము

దేశము కొరకు నిలిచెదము

స్వార్ధగుణములు వదిలెదము

సమైక్యంగా కదిలెదము

9

గొప్ప స్ఫూర్తిని పొందెదము

మంచి వైపుకు మళ్లెదము

భారతమ్మకు చెందెదము

పౌరుషంగా ఉండెదము

10

పెద్దల మాటలు వినెదము

శ్రద్ధగా పాటించెదము

చెడ్డ తలపులు తరిమెదము

దొడ్డ పనులు పూనెదము

--గద్వాల సోమన్న