" రైతు గోస"-గద్వాల సోమన్న , గణితోపాధ్యాయుడు,ఎమ్మిగనూరు.

" రైతు గోస"

-------------------------------------  

అన్నదాతల బ్రతుకు

ఘోరమాయెను తుదకు

వారి క్షేమము వెదకు

ఓ వెన్నెలమ్మ

రైతు రాజే నాడు

మారిపోయెను నేడు

వారి దుస్థితి చూడు

ఓ వెన్నెలమ్మ

పెరిగిపోయెను అప్పు

రైతు బ్రతుకున నిప్పు

దాపురించెను ముప్పు

ఓ వెన్నెలమ్మ

రైతు ఉంటే మెతుకు

చల్లగుండును బ్రతుకు

లేక పిండిన చెరుకు

ఓ వెన్నెలమ్మ

-గద్వాల సోమన్న ,

గణితోపాధ్యాయుడు,

ఎమ్మిగనూరు,

సెల్:9966414580